Bujug, kenapa sih elu pada ribut
Kapan pikiran gue lagi kalang kabut
Jantung gue pengen nyoblok rasa bat-bit-but
Nah nyawa gue mau dicabut.
Dari jembatan tinggi ke pengasinan
Jalannya menggar jarang pohonan
tukang sero tukang nelayan bukan permaenan
Siang kepanasan malem keembunan
Musim Barat
Kita melarat
Musim Timur
Baru makmur
Ya Allah ya Rabbi
Nyari untung biar lebi
Biar bisa pegi haji
Jiarah kuburan Nabi
Indung-indung kepala lindung
Ujan di laut di sini mendung
anak siape pake kerudung
Mata ngelirik kaki kesandung
Ayun-ayun Siti Aise
Mandi di kali rambutnya base
Tidak sembahyang tidak puase
Di dalem kubur ade nyang sekse
Pong-pong balong
Biji merak biji sampi
Pece telor sebiji
Ci-ci puteri
Tembako lime kati
Mak none, mak none kepengen ape
Deng 'ndengan
Siri tampi berduri-duri
Pok bereok
Utak utik utak uger
Ayam rintik menclok di pager
Ade tikus kucing uber
Ujan gerimis aje
ikan bawal diasinin
Si hindun nangis aje
Balan Syawal dikawinin
Dut dang
Kecapi pentil
Si Gendut pulang
Bawa tai upil
Wak-wak gung
Wak-wak gung
Nasinya nasi jagung
Lalapnya lalap utan
Sarang gaok pu'un jagung
gang-ging-gung
Pit al ipit
Kude lari kejepit
Sipit.
Tam-tambuku
Tam-tambuku
Seleret daon delime
Pate lembing
Pate paku
Tarik belimbing
Tangkep satu
Kelima-lima kasim
Sim-sim kelima-lima kasim-sim
Simpak bakul rombeng-beng
Bengkel kelapa-lapa ijo-jo
Jotan daon rambutan-tan
Tanduk pale si Mukcing-cing
Cingcang daging babi-bi
Biuk rodanya empat-pat
Pacul ujungnye tajem-jem
Jempol siape punye.
Sang bango eh sang bango
Kenape ente delak-delok aje
Mengkenye ane delak-delok aje
eh sang ikan nggak mau timbul
Sang ikan eh sang ikan
Kenape ente nggak mau timbul
Mengkenye ane nggak mau timbul
eh sang rumput keliwat tebel
Sang rumput eh sang rumput
Kenapa ente keliwat tebel
Mengkenye ane keliwat tebel
eh kang rumput nggak potong ane
Kang rumput eh kang rumput
Kenape ente kagak potong sang rumput
Mengkenye ane nggak potong sang rumput
Eh sang perut sakit aje
Sang perut eh sang perut
Kenape ente sakit aje
Mengkenye ane sakit aje
Makan nasi mente mateng
Sang nasi eh sang nasi
Kenape ente mente mateng
Mengkenye ane mente mateng
Eh sang api kelak kelik
Sang api eh sang api
Kenape ente kelak kelik
Mengkenye ane kelak kelik
Eh sang kayu basah aje
Sang kayu eh sang kayu
Kenape ente basah aje
Eh sang ujan turun aje
Sang ujan eh sang ujan
Kenape ente turun aje
Mengkenye ane turun aje
Eh sang kodok manggil ane
Sang kodok eh sang kodok
Kenape ente panggil sang ujan
Mengkenye ane panggil sang ujan
Eh sang uler mau makan ane
Kenape ente mau makan sang kodok
Mengkenye ane mau makan sang kodok
Eh sang kodok emang makanan ane!
Iris iris ketimun
Ketimunnye di kolong meje
Iring iring Bang Sa'imun
Bang Sa'imun pulang kereje
Haji Mu'min sudager delime
Orang nyang murni betuker name
Jangan herau kesane kemari
Asal idup kite dij alan Agame
Pak-pung pak Mustape
Pak Dule di rumenye
Ade tepung ade kelape
Ade gule di tengenye
Jalanan besar pager miana
Burung puter di rumah cina
Jangan gusar saya bertanya
Di bawah puser apa namanya
Maen ceki, ceki gelundung
Tarik locan buang bendera
Jangan kata di ujung gunung
Di mulut macan masing saya bela
Gajah saye si Gajah Dungkul
Dikasi makan rumput sepikul
Saye maen sembagi ngebul
Nyari rejeki barang sebakul
Buah Korma
sekati duapulu lima
Ajudan naik nama
Jaga kentut, kagak kena
Kramat ape di kali Angke
Sayur bayem saye tumisin
Kemat ape nyang none pake
Siang malem saye pikirin.
Demikian kumpulan dan contoh pantun-pantun betawi. semoga bermanfaat. Terimaksih atas kunjungannya di blog ini.
0 komentar:
Post a Comment